einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5600 und in vrœlîch enpfiencund schuof im selhen gemach daz er wol an den werken sach daz sîn wille und sîn muot was reine unde guot.5605 im wart vil harte drâte ein heimlich kemenâte ze sîner sunder gereit, sîn lewe dar in zuo im geleit. dar inne entwâfent man in,5610 unde sante der wirt hin nâch zwein sînen kinden, daz nieman mohte vinden schœner juncvrouwen zwô: den bevalch er in dô,5615 daz sî im sîne wunden salbeten und bunden. ouch wonte in ir gemüete ze schœner kunst diu güete daz sî in schier ernerten5620 unde sînen geverten. |