einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6732 daz er sô lange vor inunerslagen werte: ouch galt er mittem swerte under wîlen einen slac der vil wol ze staten lac.6737 Dô dise slege herte der lewe sîn geverte beide gehôrte unde gesach, dô muot in sîn ungemach. dône vant er loch noch tür6742 dâ er kæme hin vür, und suochte al umbe unz er vant bî der erde an der want eine vûle swelle. der getriuwe hergeselle6747 der kratzet unde beiz dan holz und erde unz er gewan ein gerûme ûzvart, diu vil harte drâte wart ir einem ze leide.6752 got velle sî beide! |