einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1703 dan si sich noch ieman versageteder si ze rehte jagete. sus sol man si erloufen, mit kumber sælde koufen. dâ enzwîvel ich niht an,1708 wirde ich ein rehte vrumer man an lîbe und an sinne, ichn gediene wol ir minne: unde bin ich aber ein zage, so enmüeze ich niemer drîe tage1713 geleben, so ich hinnen kêre. waz solde ich âne êre? ob ich mit rehter arbeit, mit sinne und mit manheit erwirbe guot und êre,1718 des prîset man mich mêre dan dem sîn vater wunder lie und daz mit schanden zegie. wes bedarf ich mê danne ich hân? mîn ors sint guot und wol getân,1723 mîn knehte biderbe unde guot |