Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

3750 des antwurte im Êrec dô:
        "geruochet irs, herre, ich bins vrô."
        er sprach als er zuo ir gesaz:
        "ich sage iu, vrouwe, umbe waz
        ich her zuo iu komen bin:
3755 ein teil durch iuwern gewin
        und benamen durch iuwer êre.
        mir erbarmte nie sô sêre
        weder man noch wîp
        als iuwer wætlîcher lîp,
3760 sît ich iuch hiute lîden sach
        als missezæmen ungemach
        der einer vrouwen nie gezam.
        vil nâ si mînem herzen kam
        und iuch noch dicke lîden tuot
3765 iuwer grôze armuot.
        die verwîze ich iu durch übel niht,
        wan daz mir leide dran geschiht.
        nû zæmet ir wærlîche
        ze vrouwen wol dem rîche.
3770 wer gap iuch armen selhem man

[ zurück ]