einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9573 sehet eht ir diu houbet?diu hân ich elliu abe geslagen. ouch wil ich iu mêre sagen: der stecke der dâ lære stât, daz er niht houbetes ûf hât, 9578 und dâ daz horn hanget an, der beitet eines niuwen man: den solde ich mit iu hân bestat und iuwer houbet drûf gesat. des hât uns beide got erlân. 9583 ich wæne hiute erworben hân ein schadelôse schande, sît mich von disem bande hât erlœset iuwer hant. got der hât iuch her gesant. 9588 hiute ist mînes kumbers zil: nû var ich ûz und swar ich wil. und sî iu daz vür wâr geseit: ir sît ze grôzer sælikeit disem hove her komen, 9593 wan mit mir was im benomen |