einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4138 dô wart mîn leit vil manecvalt,unde ich armiu verlorne vergâhte mich mit zorne. wan daz ist gar der sælden slac, swer sînem zorne niene mac4143 getwingen, ern überspreche sich. leider alsô tet ich mich. ich hân mich selben verlorn. ich sprach durch mînen zorn, swelhe drî die tiursten man4148 sich von dem hove næmen an daz sîz beredten wider mich, einen rîter vund ich der mit in allen drin strite, ob man mir vierzec tage bite.4153 der rede giengen sî dô nâch: wand mir was gewesen ze gâch: man liez mich ir niht wandel hân, und enwart ouch des niht erlân ichn schüef in rehte sicherheit4158 daz ich der rede wære gereit |