einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein33 zeinen pfingesten geleitnâch rîcher gewonheit ein alsô schœne hôchzît daz er vordes noch sît deheine schœner nie gewan.38 deiswâr dâ was ein bœser man in vil swachem werde: wan sich gesament ûf der erde bî niemens zîten anderswâ sô manec guot ritter alsô dâ.43 ouch wart in dâ ze hove gegeben in allen wîs ein wunschleben: in liebte hof und den lîp manec maget unde wîp, die schœnsten von den rîchen.48 mich jâmert wærlîchen, und hulfez iht, ich woldez clagen, daz nû bî unseren tagen selch vreude niemer werden mac der man ze den zîten pflac.53 doch müezen wir ouch nû genesen. |