Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7387 daz er dar abe niht hete genomen
        alse grôz als umbe ein hâr.
        giht ieman: "er enhât niht wâr",
        dem bescheide ich die rede baz,
        daz er rehte erkenne daz
7392 diu rede wese ungelogen.
        ez enwas dâ heime niht erzogen.
        ich sage iu wie ez dar was komen.
        ez hete der wirt selbe genomen
        einem wilden getwerge
7397 vor einem holen berge,
        dô er nâch sîner gewonheit
        ze walde nâch âventiure reit.
        ez hâte ez vil vaste
        gebunden ze einem aste:
7402 dô was ez gegangen dan.
        alsô vant ez dirre man:
        abe dem aste er ez nam.
        als daz getwerc wider kam
        und ez daz pherit niene vant
7407 an dem boume darz ez bant,
[ zurück ]