einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3058 sînen knaben er seitedaz man im sîn ros bereite und ir pherit vrouwen Ênîten. er jach er wolde rîten ûz kurzwîlen. 3063 des begunden si dô îlen. dô wâpente er sich verholne unde truoc verstolne under der wât sîn îsengewant. sînen helm er ûf bant 3068 überz houbet alsô blôz. sîn vlîz was ze helne grôz: er tete alsam der karge sol. er sprach: "mîn helm ist niht wol. mirst liep daz ichz hân ersehen: 3073 und wære mir sîn nôt geschehen, sô wære ich gar geirret. ich sage iu waz im wirret: man sol in baz riemen." dô enwas aber niemen 3078 der sich des mohte verstân |