Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3467 Dô sî in ligen sach als ê,
        nûne twelte sî niht mê,
        sî hafte zeinem aste
        diu pfärit beidiu vaste,
        und sleich alsô lîse dar
3472 daz er ir niene wart gewar,
        unz sî in allenthalben bestreich.
        dâ zuo sî vil stille sweich.
        mit ter vil edelen salben
        bestreich si in allenthalben
3477 über houbet und über vüeze.
        ir wille was sô süeze
        daz sî daz alsô lange treip
        unz in der bühsen niht beleip.
        des wær doch alles unnôt,
3482 dâ zuo und man irz verbôt;
        wan daz sî im den willen truoc,
        esn dûhtes dannoch niht genuoc,
        und wær ir sehsstunt mê gewesen:
        sô gerne sach sî in genesen.
3487 und dô sîz gar an in gestreich,
[ zurück ]