einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3131 sus lebete er sibenzehen jâr.daz dunket manigen niht wâr: des gelouben velsche ich. wan gote ist niht unmügelich ze tuonne swaz er wil,3136 im ist deheines wunders ze vil. Dô der gnâden eine ûf dem wilden steine sibenzehen jâr gesaz unde got an im vergaz3141 sîner houbetschulde unz ûf sîne hulde, dô starp, als ich ez las, der dô ze Rôme bâbest was. alse schiere er starp,3146 ein ieglich Rômære warp besunder sînem künne durch des guotes wünne umbe den selben gewalt. ir strît wart sô manicvalt3151 daz si beide durch nît |