einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich298 und ein wol werbendez wîp, dar zuo hete er schœniu kint, diu gar des mannes vreude sint, unde hete, sô man saget, under den eine maget, 303 ein kint von ahte jâren. daz kunde gebâren sô rehte güetlîchen. diu wolde nie entwîchen von ir herren einen vuoz. 308 umbe sîn hulde und sînen gruoz diente si im alle wege mit ir güetlîchen phlege. si was ouch sô genæme daz si wol gezæme 313 ze kinde dem rîche an ir wætlîche. Die andern hâten den sin daz si ze rehter mâze in wol gemîden kunden; 318 sô vlôch si zallen stunden |