einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich674 ich sî daz schœneste kint daz si zir lebene haben gesehen. wem solde ich der genâden jehen niuwan iu zwein nâch gote? des sol ich ziuwerm gebote 679 iemer vil gerne stân. wie michel reht ich des hân! Muoter, sæligez wîp, sît ich nû sêle unde lîp von iuwern genâden hân, 684 sô lâtz an iuwern hulden stân daz ich ouch diu beide von dem tiuvel scheide und mich gote müeze geben. jâ ist dirre werlte leben 689 niuwan der sêle verlust. ouch hât mich werltlich gelust unz her noch niht berüeret, der hin zer helle vüeret. nû wil ich gote gnâde sagen, 694 daz er in mînen jungen tagen |