einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5459 doch bat sî in vil verre,sî sprach 'lieber herre, durch got belîbet hie mit mir: wand ich weiz wol daz ir und iuwer lewe sît starke wunt:5464 lât mich iuch machen gesunt.' Sus sprach der namelôse dô 'ichn gewinne gemach nochn wirde vrô niemer mê unz ûf ten tac daz ich wider haben mac5469 mîner vrouwen hulde: der mangel ich ân schulde.' sî sprach 'wie selten ich daz wîp, beide ir muot und ir lîp, iemer geprîse5474 (wand sî enist niht wîse) diu einem alsô vrumen man als iu noch hie schînet an ir hulde iemer widerseit, ob sî niht grôz herzeleit5479 ûf in ze sprechenne hât.' |