Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

196 swen iuwer zunge unêret,
      dâ ist daz herze schuldec an.
      in der werlte ist manec man
      valsch und wandelbære,
      der gerne biderbe wære,
201 wan daz in sîn herze enlât.
      swer iuch mit lêre bestât,
      deist ein verlorniu arbeit.
      irn sult iuwer gewonheit
      durch nieman zebrechen.
206 der humbel der sol stechen:
      ouch ist reht daz der mist
      stinke swâ der ist:
      der hornûz der sol diezen.
      ichn möhte niht geniezen
211 iuwers lobes und iuwer vriuntschaft,
      wan iuwer rede hât niht kraft:
      ouch enwil ich niht engelten
      swaz ir mich muget schelten.
      war umbe solt ir michs erlân?
216 ir hât ez tiurerm man getân.