Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1855 daz dâ wære geschehen
        ein vil vriuntlîchez spil.
        zewâre ich iu daz sagen wil,
        dâ was der Minnen gewin:
        diu Minne rîchsete under in
1860 und vuocte in grôzen ungemach.
        dô einz daz ander ane sach,
        dô enwas in beiden niht baz
        dan einem habeche, der im sîn maz
        von geschihte ze ougen bringet,
1865 sô in der hunger twinget:
        und als ez im gezeiget wirt,
        swaz ers dâ vür mêre enbirt,
        dâ von muoz im wirs geschehen
        dan ob ers niht hete gesehen.
1870 alsô tete in daz bîten wê
        zuo der mâze und dannoch mê.
        ir beider gedanc stuont alsô:
        "jâ enwirde ich nimmer vrô,
        ich engelige dir noch bî
1875 zwô naht oder drî."
[ zurück ]