Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6384 swaz uns vür wirt geleit,
        daz müeze wir allez lîden.
        von golde und von sîden
        würken wir die besten wât
        die iemen in der werlte hât:
6389 nû waz hilfet uns daz?
        wirne leben niht deste baz.
        wir müezenz starke enblanden
        den armen unde den handen,
        ê wir sô vil erwerben
6394 daz wir niht hungers sterben.
        man lônet uns als ich iu sage:
        nû sprechet wer von dem bejage
        rîche wesen kunde.
        man gît uns von dem pfunde
6399 niuwan vier pfenninge.
        der lôn ist alze ringe
        vür spîse und vür cleider:
        des sîn wir ouch der beider
        vil rehte dürftiginne.
6404 von unserme gewinne
[ zurück ]