einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1954 daz ermande si ir leide.nu behagete im diu vrouwe wol als einem manne ein wîp sol an der nihtes gebrast: ouch behagete ir der gast1959 baz danne ie man getæte. daz macheten sîne ræte der ouch vroun Êven verriet, dô si von gotes gebote schiet. Sus bevalh in diu guote1964 in des truhsæzen huote unde schieden sich sâ. sîn herze lie er bî ir dâ und vleiz sich deste mêre ûf prîs und ûf êre,1969 daz er si hâte gesehen. im was sô liebe dran geschehen daz er sich dûhte vreuderîch. nû vant man aller tägelîch ritterschaft vor der stat,1974 swie des mannes herze bat, |