einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec10005 zehant heten sich ûz genomen,sô man si von dem lande zen tiuristen erkande, sehs tûsent oder mêre. durch ir herren êre, 10010 wan si in gerne sâhen, sô îlten si in emphâhen engegen im wol drîe tage. ez ensî daz er missesage, sô enmac niemen des gejehen 10015 daz er ie habe gesehen dehein willeclîchern antvanc. als si ir schuldic triuwe twanc, sô emphiengen si in alle mit zühteclîchem schalle, 10020 mit rossen bedahten, und die ez haben mahten unde ritter wâren genant, die heten besunder zuo ir hant ir baniere rîche, 10025 der kovertiure gelîche, |