Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3612 daz er dâ vuorte an der hant.
        vil schiere tete er im erkant
        die rede an ein ende gar.
        er sprach: "herre, nû nemet war
        wâ si zuo iu rîtent:
3617 nû enweiz ich wes ir bîtent
        daz ir nû niht zer strâze gât:
        ir missetuot ouch, ob irz lât.
        jâ muget ir an der vrouwen
        daz schœniste wîp schouwen
3622 die wir ie gesâhen.
        [ir sult si schône emphâhen."]
        zem wege er dô hin gie,
        mit schœnem gruoze er in emphie.
        als er si zuo rîten sach,
3627 er gienc engegen in unde sprach:
        "willekomen, vrouwe und herre"
        und bat si vil verre
        daz si in dâ mite êrten
        und ûf sîn hûs kêrten
3632 und daz si wolden dâ bestân.
[ zurück ]