Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7117 ze bezzerm gemache dâ bî,
        ûf eine sîne veste
        dâ er si bewart weste
        ze vollem gemache.
        von aller guoten sache
7122 sô was daz selbe hûs vol,
        rehte als ich iu sagen sol.
        ez stuont enmitten in einem sê:
        der gap im genuoc und dannoch mê
        der aller besten vische
7127 die ie ze küneges tische
        dehein man gebrâhte,
        swelher hande man gedâhte.
        dar zuo was dâ daz beste jaget
        dâ von uns ie wart gesaget.
7132 ez hete der künec umbe den sê
        wol zwô mîle oder mê
        des waldes in gevangen
        und mit mûre umbegangen:
        dar in gienc dehein tor mê
7137 niuwan ûz gegen dem sê.
[ zurück ]