Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2006 daz er mit gemeiner zungen
        ze dem besten ritter wart genant
        über älliu diu lant.
        nû was daz sîn gewonheit
        daz er eine dicke reit
2011 durch justieren vür daz tor.
        dâ tet erz ritterlichen vor:
        wande swelh ritter guot
        durch sînen ritterlîchen muot
        her ûz justierte wider in,
2016 den vuorte er ie gevangen hin
        ze der burgære gesihte
        und envorhte si ze nihte.
        des hete er alles vil getriben
        daz in niemen was beliben
2021 der in bestüende mêre:
        doch versuochte erz dicke sêre.
         Nu erschamte sich Grêgôrius,
        daz in ein man alsus
        hete geleit ein michel her
2026 âne aller slahte wer.
[ zurück ]