Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2558 'waz wirret iu, liebiu vrouwe mîn?'
        'herre, des ist alsô vil
        daz ich ez gote klagen wil
        daz ich ie ze der werlde kam:
        wan mir ist diu Sælde gram.
2563 vervluochet was diu stunde
        von unsers herren munde
        dâ ich inne wart geborn.
        Unsælde hât ûf mich gesworn
        und behaltet vaste an mir den eit,
2568 wan mir ie tûsent herzenleit
        wider eime liebe sint geschehen.
        herre, ir sult mir des verjehen
        von wannen ir geborn sît.
        ez wære ê gewesen zît
2573 der vrâge die ich nû begân:
        ich wæne ich si verspætet hân.'
         'Vrouwe, ich weiz wol waz ir klaget:
        iu hât etewer gesaget
        daz ich sî ein ungeborn man.
2578 weste ich wer iuch dar an
[ zurück ]