Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1459 dehein rîter alsô volkomen.
        ouwê wie bistû mir benomen?
        ichn weiz war umbe ode wie.
        der tôt möhte an mir wol hie
        büezen swaz er ie getete,
1464 und gewerte mich einer bete,
        daz er mich lieze varn mit dir.
        waz sol ich, swenne ich dîn enbir?
        waz sol mir guot unde lîp?
        waz sol ich unsælic wîp?
1469 ouwê daz ich ie wart geborn!
        ouwê wie hân ich dich verlorn?
        ouwê, trûtgeselle.
        got versperre dir die helle
        und gebe dir durch sîne kraft
1474 der engel genôzschaft:
        wan dû wær ie der beste.'
        ir jâmer was sô veste
        daz sî sich roufte und zebrach.
        dô daz her Îwein ersach,
1479 dô lief er gegen der tür,
[ zurück ]