Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1846 dâ sît ir gar betrogen an.
        und wære ir aller vrümekheit
        an ir einen geleit,
        dazn wær noch niht ein vrum man.
        swelher sich daz nimet an
1851 daz er der beste sî von in,
        dern getar niemer dâ hin
        dem brunnen komen ze wer.
        sô bringet der künec Artûs ein her,
        die sint zen besten erkorn
1856 die ie wurden geborn.
        vrouwe, durch daz sît gemant,
        welt ir den brunnen und daz lant
        niht verliesen âne strît,
        sô warnet iuch der wer enzît,
1861 und lât iuwern swæren muot.
        ichn râtez iu niuwan durch guot.'
         Swie sî ir die wârheit
        ze rehte hete underseit
        und sî sich des wol verstuont,
1866 doch tete sî sam diu wîp tuont:
[ zurück ]