einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3347 unz daz der edele tôrewart gelîch einem môre an allem sînem lîbe. ob im von guotem wîbe ie dehein guot geschach,3352 ob er ie hundert sper zebrach, gesluoc er viur ûz helme ie, ob er mit manheit ie begie deheinen lobelîchen prîs, wart er ie hövesch unde wîs,3357 wart er ie edel unde rîch, dem ist er nû vil ungelîch. er lief nû nacket beider, der sinne unde der cleider, unz daz in zeinen stunden3362 slâfende vunden drî vrouwen dâ er lac, wol umb einen mitten tac, nâ ze guoter mâze bî der lantstrâze3367 diu in ze rîten geschach. |