Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4050 daz lantvolc hât ûf mich geseit
        eine schult sô swære:
        und ob ich schuldec wære,
        sô wær ich grôzer zühte wert.
        ez nam in dem jâre vert
4055 des landes vrouwe einen man:
        dâ missegienc ir leider an:
        die schulde legent sî ûf mich.
        nû herre got, waz moht ich
        daz ir an im missegie?
4060 deiswâr geriet ich irz ie,
        daz tet ich durch ir êre.
        ouch wundert mich iemer mêre
        daz ein alsô vrumer man
        sô starke missetuon kan:
4065 wander was benamen der beste
        den ich lebende weste.
        ouch enistz niht von den schulden sîn:
        ez ist von den unsælden mîn.
        alsus ring ich mit sorgen.
4070 sî beitent mir unz morgen:
[ zurück ]