einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7257 engegen dirre niht ein strô,der sî begunden aber dô. ir slege wâren kreftec ê, nû kreftiger, und wart ir mê. ouch sach disen kampf an7262 manec kampfwîse man: ir deheines ouge was vür wâr weder sô wîse noch sô clâr, heter genomen ûf sînen eit ze sagenne die wârheit7267 weder irz des tages ie gewunnen hete bezzer hie alsô grôz als umb ein hâr, desne möhter vür wâr ir dewederm nie gejehen:7272 ezn wart nie glîcher kampf gesehen. Nû sorget man unde wîp umb ir êre und umb ir lîp: und möhten sîz in beiden nâch êren hân gescheiden,7277 daz heten sî gerne getân, |