einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1572 sô stuont ze ritterschaft mîn muot.ich enwart nie mit gedanke ein Beier noch ein Vranke: swelh ritter ze Henegouwe, ze Brâbant und ze Haspengouwe1577 ze orse ie aller beste gesaz, sô kan ichz mit gedanken baz. herre, swaz ich der buoche kan, dâ engerou mich nie niht an und kunde ir gerne mêre:1582 iedoch sô man mich sêre ie unz her ze den buochen twanc, sô turnierte mîn gedanc. sô man mich buoche wente, wie sich mîn herze sente1587 und mîn gedanc spilte gegen einem schilte! ouch was mir ie vil ger vür den griffel zuo dem sper, vür die veder ze dem swerte:1592 daz ist des ich ie gerte. |