einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich584 wan du enkæme nie in leider loch. tuo zuo dînen munt! und wirstû vür dise stunt der rede iemer mêre lût, ez gât dir ûf dîne hût.< 589 alsus wânde er si dô beide mit bete und mit drô gesweigen; dô enmohter. sus antwurte im sîn tohter: >Vater mîn, swie tump ich sî, 594 mir wonet iedoch diu witze bî daz ich von sage wol die nôt erkenne, daz des lîbes tôt ist starc unde strenge. swer joch danne die lenge 599 mit arbeiten leben sol, dem ist ouch niht ze wol; wan swenne er hie geringet und ûf sîn alter bringet den lîp mit micheler nôt, 604 sô muoz er lîden doch den tôt. |