Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1138 der abbet sprach: 'sît ich nû hie
        sîn geistlich vater worden bin,
        durch mînes heiles gewin
        sô wil ich ez iemer hân
        (ez ist sô sæliclich getân)
1143 vil gerne an mînes kindes stat.'
        vil minneclichen er dô bat
        den sînen vischære
        daz er sîn vlîzic wære.
        er sprach: 'nû ziuch mirz schône,
1148 daz ich dirs iemer lône.'
        daz kint hulfen starke
        die sîne zwô marke,
        daz man sîn deste baz phlac:
        ouch lie der herre unmanigen tac
1153 er enwolde selbe spehen
        wie daz kint wære besehen.
         Dô der vischære und sîn wîp
        über des süezen kindes lîp
        sô rehte vlîzic wâren
1158 unz ze sehs jâren,
[ zurück ]