einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3881 habet ir sît iht vernomenwar iuwer sun sî komen, weder er sî lebende oder tôt?' do ersiufte si, des gie ir nôt. si sprach: 'herre, nein ich.3886 ich weiz wol, er hât an sich von riuwen selhe nôt geleit, ich enverneme es rehte wârheit, son geloube ich niht daz er noch lebe.' er sprach: 'ob daz von gotes gebe3891 iemer möhte geschehen daz man in iuch lieze sehen, nû saget wie: getriuwet ir doch ob ir in erkandet noch?' si sprach: 'mich entriege mîn sin,3896 ich erkande in wol, und sæhe ich in.' Er sprach: 'nû saget des ich iuch bite, weder wære iu dâ mite liep oder leit geschehen, ob ir in müeset sehen?'3901 si sprach: 'ir muget wol nemen war, |