einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1294 diu wære mir ze lône gegeben umbe dise nôt. nû bin ich alrêst tôt. ouwê, gewaltiger Krist, waz êren uns benomen ist, 1299 mînem herren unde mir! nû enbirt er und ich enbir der êren der uns was gedâht. ob diz wære volbrâht, sô wære im der lîp genesen, 1304 und müese ich iemer sælic wesen.< Sus bat si gnuoc umbe den tôt. do enwart ir nie dar nâch sô nôt, sine verlüre gar ir bete. dô nieman durch si niht entete, 1309 dô huop si ein schelten. si sprach: >ich muoz engelten mînes herren zageheit. mir hânt die liute misseseit, daz hân ich selbe wol ersehen. 1314 ich hôrte ie die liute jehen, |