einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1479 nu enschiuhet mich man noch wîp; mir hât gegeben gesunden lîp unsers herren gebot. nû râtet mir alle durch got, von dem ich die genâde hân 1484 die mir got hât getân, daz ich gesunt worden bin, wie ichz verschulde wider in.< si sprâchen: >nemet einen muot daz im lîp unde guot 1489 iemer undertænic sî.< sîn trûtgemahel stuont dâ bî die er vil güetlich ane sach. er umbevienc si unde sprach: >iu ist allen wol gesaget 1494 daz ich von dirre guoten maget mînen gesunt wider hân, die ir hie sehet bî mir stân. nû ist si vrî als ich dâ bin; nû rætet mir al mîn sin 1499 daz ich si ze wîbe neme. |