einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich193 daz trûwe ich volbringen.< >nû lât den gedingen< sprach der meister aber dô, >iuwer sühte ist alsô -waz vrumet daz ich ez iu kunt tuo?- 198 dâ hœret arzenîe zuo, der wæret ir genislîch. nu enist aber nieman sô rîch noch von so starken sinnen, der si müge gewinnen. 203 des sît ir iemer ungenesen, got enwelle der arzât wesen.< Dô sprach der arme Heinrich: >war umbe untrœstet ir mich? jâ hân ich guotes wol die kraft; 208 ir enwellet iuwer meisterschaft und iuwer reht brechen und dar zuo versprechen beide mîn silber und mîn golt, ich mache iuch mir alsô holt 213 daz ir mich harte gerne nert.< |