einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich653 jâ soltû, liebe tohter mîn, unser beider vreude sîn, unser liebe âne leide, unser liehtiu ougenweide, unsers lîbes wünne, 656 ein bluome in dînem künne, unsers alters ein stap. und lâzestû uns über dîn grap gestân von dînen schulden, dû muost von gotes hulden 661 iemer sîn gescheiden; daz koufest an uns beiden. wiltû uns, tohter, wesen guot, sô soltû rede und den muot durch unsers herren hulde lân, 662d diu ich von dir vernomen hân.< >Muoter, ich getrûwe dir und mînem vater her ze mir aller der genâden wol der vater unde muoter sol 667 leisten ir kinde, |