Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3306 daz suozt im diu hungers nôt;
        wand er dâ vor, daz got wol weiz,
        sô jæmerlîches nie enbeiz.
        waz welt ir daz der tôre tuo?
        er âz daz brôt und tranc dâ zuo
3311 eines wazzers daz er vant
        in einem einber an der want,
        unde rûmdez im ouch sâ.
        der einsidel sach im nâ
        und vlêget got vil sêre
3316 daz er in iemer mêre
        erlieze selher geste:
        wand er vil lützel weste
        wie ez umbe in was gewant.
        nu erzeicte der tôre zehant
3321 daz der tôre und diu kint
        vil lîhte ze wenenne sint.
        er was dâ zuo gnuoc wîse
        daz er nâch der spîse
        dar wider kam in zwein tagen,
3326 und brâhte ein tier ûf im getragen
[ zurück ]