Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7430 'ichn wil mich wider iuch niht schamen,'
        sprach mîn her Gâwein,
        'wir gehellen beide in ein.
        herre, ir habent mich des verdigen:
        unde hetent ir geswigen,
7435 die rede die ir habent getân
        die wold ich gesprochen hân.
        daz ir dâ minnet, daz minn ich:
        des ir dâ sorget, des sorg ich.
        ez ist hiute hin ein tac
7440 den ich wol immer hazzen mac:
        wand er hât mir die nôt getân
        der ich ie was erlân.
        mir benam deiswâr nie mêre
        ein man alsô sêre
7445 mîne werlîche maht:
        und möhtet ir vor der naht
        ze zwein slegen hân gesehen,
        sô müese ich iu des siges jehen.
        ich hân der naht vil kûme erbiten.
7450 swaz ich noch hân gestriten,
[ zurück ]