Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7609 nune wont niht hazzes bî uns zwein.
        ich iuwer neve Gâwein
        hân gestriten wider in
        dem ich dienesthafter bin
        danne in der werlte ieman,
7614 unz er mich vrâgen began
        wie ich wære genant.
        dô im mîn name wart erkant,
        dô nande er sich sâ,
        und rûmde vîentschaft dâ,
7619 und gehellen iemer mêre in ein:
        ez ist mîn geselle Îwein.
        und geloubet mir daz ich iu sage:
        het erz gehabet an dem tage,
        mich hete brâht in arbeit
7624 mîn unreht und sîn vrümekheit.
         Diu juncvrouwe hât rehtes niht
        vür die man mich hie vehten siht:
        ir swester ist mit rehte hie.
        sô half ouch got dem rehten ie:
7629 des wær ich tôt von sîner hant,
[ zurück ]