Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1327 Hetest dû der krûte gewalt
        diu ich dir, lîp, hân vor gezalt,
        nû sich, des vazzes lîhe ich dir,
        wan daz erkenne ich an mir.
        nu gebristet dir ir sêre.
1332 sô aber dû ir ie mêre
        mügest gewinnen, lîp, daz tuo,
        wan dâ râte ich dir zuo,
        und enblandez dînem lîbe;
        wan sol eht dir von wîbe
1337 iemer rehte wol ergân,
        sô muost dû diz zouber hân.
        ouch ist ez eines dinges guot,
        daz man ez âne laster tuot
        und âne grôze sünde.
1342 wol in der ir hât künde!
        daz ist zer werlte ein sælekeit
        und ist gote niht ze leit,
        ez ist bêdenthalp ein gewin,
        got und diu werlt minnet in:
1347 swer den selben zouberlist kan,

[ zurück ]