einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3047 und seite imz mit gedingedaz er ir daz gehieze daz erz âne zorn lieze. als er vernam diu mære waz diu rede wære, 3052 er sprach: "der ist genuoc getân." zehant hiez er si ûf stân, daz si sich wol kleite unde ane leite daz beste gewæte 3057 daz si iender hæte. sînen knaben er seite daz man im sîn ros bereite und ir pherit vrouwen Ênîten. er jach er wolde rîten 3062 ûz kurzwîlen. des begunden si dô îlen. dô wâpente er sich verholne unde truoc verstolne under der wât sîn îsengewant. 3067 sînen helm er ûf bant |