Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2961 büezen unz an mînen tôt
        vaste mit des lîbes nôt.
        ez ist hiute der dritte tac
        daz ich der werlde verphlac
        und allez nâch der wilde gie.
2966 ich enversach mich niht hie
        gebiuwes noch liute.
        sît daz mich hiute
        mîn wec zuo iu getragen hât,
        sô suoche ich gnâde unde rât.
2971 wizzet ir iender hie bî
        ein stat diu mir gevellic sî,
        einen wilden stein oder ein hol,
        des bewîset mich: sô tuot ir wol.'
         Des antwurte im der vischære dô:
2976 'sît dû des gerst, vriunt, sô wis vrô.
        dêswâr ich bringe dich wol hein.
        ich weiz hie bî uns einen stein,
        ein lützel über disen sê:
        dâ mac dir wol werden wê.
2981 swie wir daz erringen
[ zurück ]