einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2630 der im vil manegiu was geschehen,der sich lasters kunde schamen, der hæte benamen die liute gevlohen iemer mê. ez tete im an dem lîbe wê,2635 ez was im anders sam ein bast: wandez hete der schanden last sînen rücke überladen. ez enkund im niht geschaden an sînen vreuden alsô2640 daz er iender unvrô gegen einem hâre wurde dervon: wan er was lasters wol gewon. Sus hete der strît ende mit sîner missewende2645 und mit lasterlîchem schalle. die andern muosen alle hern Îwein wol gunnen sînes landes und des brunnen und aller sîner êren:2650 sine möhtens im gemêren, |