einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec997 und sîn grôziu unzuhtnimmer alsô vil gevrumt sô si iu ze schaden hiute kumt." der ritter aber dô sprach: "geschach iu ie ungemach 1002 von mînen schulden, deist mir leit. ouch hât mich iuwer vrümekeit der selben schulde hie ze stat wol ze buoze gesat. nû geruochet mir den lîp lân. 1007 und habe ich iht des getân des ich von rehte engelten sol, daz widerdiene ich harte wol." Êrec erbarmde sich dô. zuo dem ritter sprach er sô: 1012 "nû wil ich iuch leben lân: des enhetet ir mir niht getân." nû gap er im des sicherheit daz er im wære bereit ze leisten swaz ern hieze, 1017 daz er in leben lieze. |