einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8344 sâhen si den ellenden manmit jâmervarwen ougen an und klageten sînen genæmen lîp und erbarmte in daz sîn wîp solde bî in dâ bestân, 8349 wan des wâren si gewis âne wân. sus gedâhte der ellende: "got sî der daz wende daz ich sô iht gevar daz ich dise vreudenlôse schar 8354 iht mêre mit mînem wîbe sô daz ich iht belîbe." hie heten die geste beide vil swære ougenweide, wan in tete der vrouwen swære wê. 8359 nû ist zît daz man gê. der wirt vuorte si ezzen. nû enwart dâ niht vergezzen si enheten alles des die kraft daz man dâ heizet wirtschaft. 8364 nû hânt si vol gezzen |