Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8358 wan in tete der vrouwen swære wê.
        nû ist zît daz man gê.
        der wirt vuorte si ezzen.
        nû enwart dâ niht vergezzen
        si enheten alles des die kraft
8363 daz man dâ heizet wirtschaft.
        nû hânt si vol gezzen
        und sint dar nâch gesezzen
        und redeten aller hande.
        der künec von dem lande
8368 vrâgte si ob iht mære
        ûf ir wege wære.
        dô sageten im die geste
        swaz ietweder weste
        daz doch sagebære geschach.
8373 Êrec ouch zem wirte sprach:
        "wirt und lieber herre,
        nâhen unde verre
        hânt mir die liute vor gezalt
        wunder vil manecvalt
8378 von dises hûses êre.
[ zurück ]