einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8455 daz ich ins niht gesagen kan,und ich doch hie gewesen bin: dar an velschent si mînen sin." nû wânde der wirt er meintez sô. dâ von begunde er in dô 8460 dise rede wizzen lân, als ich iu ê gesaget hân, rehte zuo der mâze als im ûf der strâze sîn geselle sagete, 8465 und ob ern iht verdagete, ze vollen sagete er im daz und beschiet in des baz. er sagete, der boumgarte der wære gevestent harte, 8470 und wie er wære umbegeben. dar in dorfte niemen streben dem ze ihte mære lîp und êre wære. er sprach: "dâ wonet inne 8475 mit sîner vriundinne |