einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2583 swer er ist, er hât gelogen:ich bin von einem herzogen vil endelichen geborn. ir sult mir volgen âne zorn daz wir der rede hie gedagen:2588 ich enmac iu vürbaz niht gesagen.' Sus antwurte im diu vrouwe dô: 'der rede enist niht, herre, alsô. jâ ensæhe ich den man weizgot niemer lachende an,2593 der mir von iu iht sagete daz iu niht behagete: er envunde hie niht guot antwurt. jâ vürhte ich, iuwer geburt diu sî mir alze genôzsam.'2598 die tavel si her vür nam, si sprach: 'sît ir der man (dâ enhelt mich niht an) von dem hie an geschriben stât, sô hât uns des tiuvels rât2603 versenket sêle unde lîp: |