Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4540 ich gedinge mir sî unverseit
        ein gâbe der ich von iu ger:
        nâch der bin ich komen her.'
        dô sprach der künec Artûs
        'swaz ir gebietet hie ze hûs,
4545 des sît ir alles gewert,
        ist daz ir betelîchen gert.'
         Er sprach 'daz sult ir an mich lân.
        als ich von iu vernomen hân,
        sô müese iu daz missezemen,
4550 woldet ir iht ûz nemen.
        swaz ez nû sî des ich bite,
        dâ êret mich mite
        und lât die bete her ze mir,
        wand ich ir anders gar enbir.'
4555 Daz widerredte der künec Artûs.
        sus schiet er ûz sînem hûs
        vil harte zornlichen dan.
        er sprach 'ez ist vil manec man
        an disem künige betrogen:
4560 diu werlt hât vil von im gelogen.
[ zurück ]