Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5980 und daz ich mîne swære
        gar hete überwunden.
        nû hân ich in vunden:
        alrêst gât mir angest zuo,
        wie er wider mich getuo.
5985 ob er mir helfe widerseit,
        waz touc dan mîn arbeit?'
        disen segen tete sî vür sich
        'herre got, nû lêre mich
        die rede der ich genieze,
5990 daz in mîn iht verdrieze
        und daz er mich niht entwer.
        ob mir verliuset des ich ger
        mîn ungelücke ode sîn zorn,
        sô hân ich mîn vinden verlorn.
5995 got gebe mir sælde unde sin.'
        zehant reit sî eneben in.
        sî sprach 'got grüeze iuch, herre.
        ich hân iuch harte verre
        ûf gnâde gesuochet:
6000 got gebe daz irs geruochet.'
[ zurück ]